நேரமில்லை.....!

எதிர் வீட்டில் மரணம்
என் இரண்டாம் மாடி வீட்டில்
இயல்பாய் அனைத்தும்.....
சலனமற்று கிடத்தப்படும்
மூதாட்டி தெரிகிறாள்.....
அவள் பெயர் தெரியாது
எப்படியிருந்தாளென்று தெரியாது
அவள் ஆசைகள் இவ்வுலகில்
நிறைவேறியதா தெரியாது
அவளைப் பற்றி எனக்கென்ன கவலை
ஆயிரம் வேலையெனக்கு
அலுவலகம் போகவேணும்
கோப்புகள் பார்க்கவேணும்
கலந்தாய்வில் பங்கேற்க வேணும்
சாப்பிட வேணும்...தூங்க வேணும்
நேரமில்லை காலம் வென்ற
அவளைப்பற்றி யோசிக்க....